سلیمان خطیبؔ کی شاعری میں نسائی کردار
دکنی زبان کے معروف شاعرسلیمان خطیبؔ کی شاعری کے ہمہ جہت پہلوؤں میں سے ایک پہلو ان کی کردار نگاری ہے۔ان کی نظموں کے ارتقا اور انجام کے مدارج کا انحصار مرد اور عورت کے کرداروں پر ہوتا ہے۔ یہ کردار ایک دوسرے سے متصادم نہیں ہوتے بلکہ ارتقائی مدارج کو طے کرنے میں ایک دوسرے کے ممد و معاون ہوتے ہیں۔سلیمان خطیب کی نظموں کے نسائی کردار بڑے بھر پور اور توانا ہیں۔ خواہ وہ جاہل ساس ہو یا تعلیم یافتہ بہو، لکھنوی شاعر کی دکنی بیوی ہو یا محبوب صاحب کی محبوب بی، وہ اپنے وجود کا احساس ہر رنگ، ہر روپ میں دلاتے ہیں۔
سلیمان خطیب کے مجموعہئ کلام ”کیوڑے کا بن“ کی نظم پہلی تاریخ جو میاں بیوی کی نوک جھونک پر مبنی ہے اس کے کئی ڈرامائی موڑ ہیں۔ اس نظم کے ارتقا میں بنیادی موضوع کے علاوہ دیگر موضوعات بھی زیر بحث آتے ہیں۔ شوہر اور بیوی کی اس بحث میں بیوی کی جھلّاہٹ خاندانی مسائل کا احاطہ کرتے ہوئے سماجی و معاشی مسائل کا رخ کرتی ہے۔ کبھی وہ شوہر پر ناراض ہوتی تو کبھی اُسے مناتی ہے۔ کبھی وہ شعلہ ہے تو کبھی شبنم۔ اس کے مختلف تیور ہمیں نظم کے ہر موڑ پر دیکھنے کو ملتے ہیں۔شوہر ”پہلی تاریخ“ کو تنخواہ لے کر خوشی خوشی گھر میں داخل ہوا ہے اور بڑے جذباتی انداز میں اپنی خوشی کا اظہار کر رہا ہے۔
شوہر:
اِ س کے جوا ب میں بیوی جو کچھ کہتی ہے وہ شوہر کو خوابوں کی جنت سے نکال کر حقیتقت کے ریگزار میں لانے کے لیے کافی ہے۔
لیکن یہی بیوی جب شوہر کے ناراض ہوتے ہوئے دیکھتی ہے تو اُس کا لہجہ دھیما پڑ جاتا ہے اور اس دھیمے لہجے میں اُس کی فکر، اُس کی پریشانیاں اور پھر ان تفکّرات کو شوہر سے بانٹنے کا احساس بھی پایا جاتا ہے۔
سلیمان خطیب نے جب کبھی شوہر اور بیوی کے مکالمے لکھے ہیں تو دونوں کے اندازِ گفتگو کے تضاد سے کردار کی شخصیت کو اُبھارا ہے۔ اپنی نظموں میں بیوی کے جس کردار کو انُھوں نے تراشا ہے وہ کردار خارجی سطح پر بڑا تُند خو، کھُردرا اور مصلحت نا شناس کردار ہے لیکن داخلی سطح پر وہ ایک نرم دل، راست گو اور حقیقت پسند عورت کا کردار ہے۔
”لکھنوی شاعر کی دکنی بیوی“ کے مکالمات ملاحظہ کیجئے۔ شوہر نے جتنانرم اور خوشامدانہ انداز اختیارکیا ہے بیوی نے اتنا ہی جارحانہ انداز
شاعر:
بیوی:
نظم ”میاں کے دوست“میں بیوی شوہر سے شاکی ہے کہ جُزمعاشی کے باوجود اس کی دوست نوازی جاری ہے۔ وہ شوہر کے دوستوں کو کوس رہی ہے۔ اپنے شوہر کے نادانی کا ماتم کر رہی ہے۔ لیکن اس سب کے باوجود وہ اپنے سہاگ کی سلامتی کے لئے دُعا گو ہے۔ وہ شوہر کی جذباتی کمزوریوں کے با وجود اُسے اپنا مجازی خدا مانتی ہے۔ سلیمان خطیب نے اس نظم کے آخری دو بندوں میں ایک وفا شعار بیوی کی نفسیات کو کامیابی سے پیش کیا ہے۔
سلیمان خطیب کی طویل نظموں کے بر خلاف ایک مختصر سی نظم ”اٹھائیس تاریخ“ ہے جس میں انھوں نے ایک کلرک کی بیوہ کا کردار بڑے متاثر کن انداز میں پیش کیا ہے۔ اس نظم کا کلائمکس دل کو گرفت میں لینے والا اور بیوہ کی مجبوری و بے چارگی کا مرقع ہے:
اٹھائیس تاریخ
”تنخواہ لینے کے بعد مرنا تھا“ میں جہاں بھر پور طنز ہے وہیں ایک بیوہ کی حقیقت پسندی اور حوادثِ زمانہ کا سامنا کرنے کی قیمت بھی نمایاں ہے۔سلیمان خطیب کے نسائی کرداروں میں ساس بہو کے کردار بڑے جان دار ہیں۔ نظم ”ساس بہو“ میں ساس بڑی جاہل ہے۔ تعلیم یافتہ بہو اُسے ایک آنکھ نہیں بھاتی۔ وہ احساسِ کمتری کا شکار ہے۔ اس احساس کو چھپانے کے لیے وہ بہو کی ہر حرکت اور عمل کو ناقدانہ نگاہ سے دیکھتی ہے:
ساس:
ساس کی اس کڑی نکتہ چینی کے باوجود بہو بڑے صابر اور شائستہ لہجے میں جواب دیتی ہے۔
نظم ”پہلی جمعگی“ کی ساس بھی بڑی دبدبہ والی اور چالاک ہے۔ ”چھورا چھوری“ اور ”پہلی جمعگی“ یہ دونوں نظمیں جہیز کی لعنت کے خلاف لکھی گئی ہیں۔ سلیمان خطیب نے جہاں کہیں ”ساس“ یا ”لڑکے کی ماں“ کا کردار پیش کیا ہے وہ ایک منفی کردار ہے۔اُس کی خودغرضی، چالاکی اور لالچ عوام میں تنفّر کا جذبہ اُبھارتے ہیں لیکن ایسے کردار ہمارے معاشرے میں موجود ہیں۔ نظم”چھورا چھوری“ میں دُلہے کی ماں اپنی فرمائشات یوں پیش کرتی ہے۔
”پہلی جمعگی“ کی ساس بھی کچھ کم نہیں۔ اس کو بہو سے جہیز میں بہت کچھ ملنے کی توقع تھی لیکن جب جہیز دیکھا تو ساری توقعات پر پانی پھر گیا۔
سلیمان خطیب کی نظموں کے تمام نسائی کردار زندہ اور جیتے جاگتے کردار ہیں۔ وہ مرد کرداروں پر حاوی ہیں اور اپنے ہونے کا احساس دِلاتے ہیں۔ اُن کا دکنی لب ولہجہ کلام کا لُطف بڑھا دیتا ہے۔ اِن کرداروں نے سلیمان خطیبؔ کی نظموں میں جان ڈال دی ہے۔
